Беренче сентябрь көне Тубыл шәһәре себер татар мәдәният үзәгендә “Ачык ишекләр көне ” узды.
Мәдәният үзәге хезмәткәрләре бирегә килүчеләрне ачык йөз белән каршы алдылар. Кунакларны, укытучыларны һәм укучыларны үзәкнең зур могҗизалар тудыру сәләтенә иялеге турында тулы мәгълүмат бирделәр.
Балчыктан сыннар әвәләүче Нурия Маметова мастер-класс үткәрде. Бу чараны шәһәрнең беренче мәктәп балалары кызыксынып карадылар, үзләре дә балчыктан сыннар әвәләп күрсәттеләр.Вокал буенча “Ләйсан”ансамбле , җитәкчеләре Динара Нәркис кызы Абсалямова , хореография буенча “Себерстан”ансамбле ,җитәкчесе Айгөл Вадим кызы Захарова үткәргән дәресләрне карарга, сораулар бирергә мөмкинчелек булды. “Ачык ишекләр” көненә килгән кунаклар татар үзәгенең тарих-этнография музеенда да булдылар.Монда тарих фәннәр кандидаты Зәйтүнә Абдрашит кызы Тычинских укучылар өчен “Себер татар халкының тарихы, гореф-гадәтләре, йорт җиһазлары” темага эчтәлекле, кызыклы экскурсия үткәрде.
Бәйрәм чарасында теләгән һәркем төрле түгәрәк һәм клуб оешмаларында катнаша, шулай ук төрле коллективка языла алды.
